'ഇറാനിൽ യുദ്ധം നടക്കുമ്പോൾ തിരുവനന്തപുരത്ത് സമ്മേളനം നടത്തിയിട്ട് എന്തുകാര്യം എന്ന് ചോദിക്കുന്നവർ നാണക്കേട്'

തിരുവനന്തപുരം: ലോകത്തിന്റെ ഏത് കോണിലും മനുഷ്യർ അനുഭവിക്കുന്ന വേദന നമ്മുടേത് കൂടിയാണെന്നും ആ തിരിച്ചറിവാണ് മനുഷ്യത്വത്തിന്റെ അടിസ്ഥാനമെന്നും സിപിഐഎം സംസ്ഥാന സെക്രട്ടറിയേറ്റ് അംഗം എം സ്വരാജ്. ലോകത്തെ എല്ലാ കോണിലെയും മനുഷ്യർ പ്രതിഷേധിക്കുകയാണ്. ലോകമെമ്പാടും യുദ്ധവിരുദ്ധ പ്രസ്ഥാനങ്ങൾ ഉയർന്നുവരികയാണ്. ഇത് പ്രതീക്ഷ നൽകുന്നതാണെന്നും യുദ്ധത്തിനെതിരെ നിൽക്കുന്നവരെല്ലാം ഒരു ശക്തിയാണ് എന്നും സ്വരാജ് പറഞ്ഞു. ഇറാനിൽ യുദ്ധം നടക്കുന്നത് കൊണ്ട് തിരുവനന്തപുരത്ത് സമ്മേളനം നടത്തിയിട്ടു എന്ത് കാര്യം എന്ന് ചോദിക്കുന്നു. അത്തരം ആളുകൾ സമൂഹത്തിനു നാണക്കേട് ആണെന്നും എം സ്വരാജ് പറഞ്ഞു.